2 junileder-2014

Vuona 2010, ensimäisen Paaskiviikon jälkhiin met kirjoitimma ette Paaskiviikko oli «tervettullu uutinen ja se häythään kehittäät lissää» ja ette «tapattumat olthiin eniten raavhaile. Kunka se saaha nuoret kiinostumhaan?»
Se saattais kirjoittaat saman tänäki vuona.

Vuosien aikana olema nähnheet hienoi muusikkerrii likeltä ja kaukkaa, kulttuurikoulujen lapsikuoroi ja solistii, saarnoja histooriasta, nykypäivästä, uskonnosta, ruvasta ja kielestä. Olema nähnheet konstnäärii ja performanssii, kveeni-idoolin, paaskinkanttaamista ja  markkinoita.
Samhaan aikhaan kainulaiset oon tulheet näkkyyvämmäksi ja se oon nyt lupa puhhuut kainulaisista. Nuoret oon aktiiviset ja het oon tuonheet kainulaisile paljon positiivista huomaamista.
Se saattais luula ette ylheinen positiivinen huomaaminen lissäis kiinostusta Paaskiviikkhoon mutta se ei ole niin.  Se oon toisinpäin: Neljessä komuunissa kuuđesta on vähemän publikummii. Tyhä Yykeässä ja Kaivuonossa oli tänä vuona yhtä paljon publikummii ko nelje vuotta aikkaa.

Viimi vuosina Paaskiviikola oon ollu teema. Tänä vuona se oli Kirkon usko ja usko yliluonolisheen. Se toimi hyvin Yykeässä ja Kaivuonossa mutta ei piian muuvala. Met emmä usko ette sama teema passaa joka paikassa. Jos se oon meininki järjestäät lokaali Paaskipäivä, se ei häyđy olla sentraalistyyrätty vaan se häyttyy olla joku paikalinen intressi eli aktuelli aihet ja mikä oon kiinostava justhiinsa siinä komuunissa justhiinsa silloin.

Se oon tärkkee saađa paikaliset yhistykset myötä, kvääniseurat ensimäisenä. Kaivuonossa oon aktiivinen kvääniseura ja kans vaimoitten yhistys mikä oon tarjonu ruokkaa ja kaffii monena vuotena – se oon jotaki muuta ko pumppukannu ja kuivii keksui pöyđälä. Omasvuonossa kvääniseura ei saanu ihmissii liikkeele. Piian se saattais järjestäät Paaskipäivän jossaki muuvala ko Yykeänperässä. Kainulaissii ja paremppii lokaalii oon muuvalaki.

Hyvät lokaalit oon tärkkeet ja niin oon kans taiminki. Oonko se hyvä ette lestadiolaisuussaarnan jälkhiin oon kohta kovaääninen konsertti? Ja ko oon hyvvää musiikkii, ihmiset haluthaan tanssiit! Häyttyykö se aina kuunela kaikki saarnat ennenko tanssi ja musikki alkkaa?
Kvääni-idooli ei ollu ko oli liian vähän osanottaajii. Konsepti häyttyy nyt hunteerata uuđesti. Piian se saattais tulla usseemppii osanottaajii jos eri ikäiset olis omissa klassissa?

Yksi Paaskiviikon iđeea oon ette vahvistaat pohjaistromssalaista regionaalista iđentiteettii kainun kielen, kulttuurin ja perinteitten avula. Se näkkyy nyt ette tyhä muutampi pohjaistromssalainen oon kiinostunnu tästä. Paaskipäivästä häyttyy tehđä enämen paikalinen tapattuma.
Uskoma ette järjestäjät ja kunnat ja kulttuurityöntekkiijät ja yhistykset arvelhaan tämän vuođen Paaskiviikon ja ette het hoksathaan keinoi kunka Paaskiviikosta tullee enämen omanmuotoinen tapattuma eri komuunissa. Ilman tätä se saattaa piian kuola koko Paaskiviikko.

 

_________________________

«Konseptet må utvikles videre», skrev vi i Ruijan Kaiku etter første Paaskiviikko–Baaskiuke i 2010. «Arrangementene var lagt opp stort sett med tanke på voksen publikum. Utfordringa er å få engasjert de unge.»
Det samme kan vi skrive i år.

I løpet av årene har vi sett mange flotte musikere fra nær og fjern, barnekor og enkeltsolister fra lokale kulturskoler, foredrag om historie, nåtid, religion, mat og språk. Vi har sett bildekunstnere og performancer. Vi har opplevd Kvenidol, båtbæring og marked.
I samme perioden har vi sett at det kvenske er blitt mer synlig i det norske samfunnet. Det er blitt mer aksept for å snakke om kvenene. Kvener og kvensk nevnes oftere i mediene.  Kvenske ungdommer er aktive, og vi har merket en generell økning i positiv oppmerksomhet overfor kvenene.
Man skulle trodd at den generelle positiviteten også skulle vises som økt oppslutning om og engasjement for Paaskiuka, men det virker ikke sånn. Tvert i mot: Publikumstallet har gått ned i fire av de seks kommunene. Bare i Lyngen og Kåfjord kunne man i år skilte med like høye besøkstall som for fire år siden.
De siste årene har Paaskiuka hatt et tema. Årets tema var Tro og overtro. Det fungerte bra i Lyngen og Kåfjord, men kanskje ikke så bra andre steder. Uansett tema har vi verken tro eller overtro på at samme tema vil fungere overalt. Skal man arrangere en lokal Paaskidag, kan det ikke være noe sentralstyrt, men må springe ut av lokal interesse, og det som er aktuelt og interessant nettopp i den kommunen akkurat da.

For å skape engasjement rundt Paaskidagen er det viktig å ha med flere foreninger og lag. Kvenforeningene har en nøkkelrolle. I Kåfjord fins en aktiv kvenforening, og i tillegg har husflidlaget bidratt med mat og kaffe i mange år – det er noe annet enn pumpekanne og tørre kjeks på et bord. I Storfjord klarte ikke kvenforeninga skape engasjement rundt arrangementet.  Kanskje er det flere grunner til å flytte Paaskidagen ut fra Skibotn. Det fins jo både kvener og gode lokaler andre steder i kommunen.
Gode lokaler er viktig, men det er også timingen av arrangementene. Er det så heldig å plassere et foredrag om læstadianisme og en høylytt konsert like etter hverandre? Danseviljen var definitivt til stede under flere av konsertene. Det må ikke være slik at de som vil ha det gøy og danse først må kjede seg gjennom alle foredragene.
Årets Kvenidol ble avlyst på grunn av for få påmeldte. Det er nok på tide å gjøre noe med konseptet. Kanskje flere ville meldt seg på dersom det var aldersbestemte klasser?

En av hensiktene med Paaskiviikko er at den skal styrke den regionale identiteten i Nord-Troms ut fra kvensk språk, kultur og tradisjoner. I sin nåværende form kan det se ut til at Paaskiuka vekker interesse kun hos en liten del av befolkningen, og at grep må tas for å styrke arrangementene lokalt.
Vi er sikre på at arrangørene, sammen med sine samarbeidspartnere,