Heidi Nilima Monsen har tatt over som ny redaktør i Ruijan Kaiku. KUVA RUIJAN KAIKU

Heidi Nilima Monsen har tatt over som ny redaktør i Ruijan Kaiku. KUVA RUIJAN KAIKU

Heidi Nilima Monsen oon alkanu Ruijan Kaijun uutena redaktöörinä.

Mie olen oikhein iloinen ja jännittynny tästä uuesta tehtäävästä. Jatkama samhaan laihiin ja tuoma kuuluville kainulaisten ja ruijansuomalaisten äänii, Monsen lupppaa.

Hän toimi redaktöörinä oikkeestansa jo koko viimi vuuen mutta viralinen vaihetus tehthiin ko vuosiki vaihtui.

Uussii platformii

Ruijan Kaijun paperiaviisi tullee ulos kymmenen kerttaa vuuesa ja lisäksi uutissii tullee ulos netissä. Se oon meininki kehittäät kainulaisile oma, kommee nettiaviisi.

Nettiaviissii lukkee usseempi lukkiija ja uusile lukkiijajoukoile nettiaviisi oon piian helpompi löyttäät. Netthiin saama ylös uussii artikkeliita joka päivä ja sillä laila met olema aivan aktuellit ja aijan hermola, Nilima Monsen sannoo.

Ääntä ja kuvvaa lisäksi

Artikkeliitten ja kuvviin lisäksi netthiin aijothaan laittaat äänifiilii, podcastii, kuvareportasii ja viideonpätkii.

Viideoitten ja äänifiiliin avula saama esile sekä aktuellii sisälystä ette saama kielen kuulumhaan. Kainun kielen tila oon kriittinen ja se oon elästymässä. Se oon suuri tarvet kuula kainun kieltä! Koska kainun ja suomen kieltä ei ole opetettu koulussa, usseimat kainulaiset ja ruijansuomalaiset ei saata lukkeet eikä kirjoittaat ommaa äitinkieltä vaikka het puhuthaan sitä. Tääpänä ei ole niin monta paikkaa missä sie saatat kuula kainun kieltä eli ruijansuomee, ja sillä äänifiilit ja viideot oon hyvin tärkkeet, uusi redaktööri sannoo.

Ensimäinen viideo oon jo tehty.

Met olema pelanheet sishään ja antanheet ulos mailman ensimäisen uuenvuuen puhheen kainun kielelä. Se oli fiini homma ja tärkkee kokemus, ja tehemä lissää niitä, hän luppaa.

Jatkaa journalistina

Liisa Koivulehto, joka perusti Ruijan Kaijun 20 vuotta aikkaa ja joka oon ollu redaktöörinä tähään saakka, jatkaa Ruijan Kaijussa journalistina.

Mie olen toivonu kauvoin ette mie en häytyis styyrätä tätä yksin vaan ette mie saisin olla yksi muitten joukossa. Viimiset kymmenen vuotta olthiin raskhaat. Se oli suuri helpotus ko mie sain 100-prosenttisen kollegan! Heidilä oon ideeoita ja hän ossaa paljon mitä mie en ossaa ja toisinpäin. Tästä tullee hauskaa! Liisa Koivulehto sannoo.

Mie olen imponeerattu siitä työstä mitä Liisa oon tehny Ruijan Kaijussa 20 vuuen aijan ja suuresti nöyränä otan vasthaan redaktöörin työn. Ja olen iloinen siitä ette hän jaksaa jatkaat, Nilima Monsen sannoo.

_____________________________

Heidi Nilima Monsen tar over stafettpinnen i den kvenske avisa Ruijan Kaiku.

– Jeg ser fram til å fortsette arbeidet med å formidle de kvenske og norskfinske stemmene, sier den påtroppende redaktøren.

Nilima Monsen har allerede fungert som redaktør i avisa det siste året, men det var ved årsskiftet hun tok over det formelle ansvaret.

Nye plattformer

De siste årene har Ruijan Kaiku gitt ut ti papiraviser årlig. I tillegg jobbes det med utvikling av egne elektroniske utgaver, samt å styrke ruijan-kaiku.no som kvenenes nettavis.

Gjennom nettavisa vil vi kunne nå flere lesere enn vi gjør gjennom papiravisa, og kanskje også nye lesergrupper. På nett kan vi levere nye saker hver eneste dag, noe som betyr at vi kan tilby mer dagsaktuelt stoff, sier Nilima Monsen.

Muntlig språksatsing

I tillegg til skriftlig innhold på nett og papir, satser Ruijan Kaiku nå på muntlig innhold i form av lydfiler, podcast, videoreportasjer og filmsnutter.

Gjennom filmsnutter og lydfiler på kvensk, og med aktuelt kvensk innhold, vil vi kunne gi språket et annet fokus enn tidligere. Kvensk språk er i en kritisk revitaliseringsfase, og vi opplever at det er et stort behov for kvener å høre sitt eget språk. I og med at kvensk ikke har vært et skolefag, sliter de fleste kvenene med å lese og skrive sitt morsmål, selv om de snakker det. I dag er det svært få steder hvor en kan høre kvensk, så lydfilene og filmsnuttene vil være et viktig bidrag for språkrevitaliseringen, sier den nye redaktøren som allerede har begynt den muntlige satsingen.

Vi har allerede spilt inn og publisert tidenes første nyttårstale på kvensk. Det var stor stas, og ikke minst en viktig erfaring. Nå ser vi fram til flere slike prosjekter, smiler hun.

Fortsetter som journalist

Liisa Koivulehto, som startet avisa for 20 år siden og har vært redaktør fram til nå, forsetter i Ruijan Kaiku som journalist.

Jeg har sett fram til å slippe å styre, men å være en del av et mannskap og et lag. De siste ti årene sleit jeg svært. Det var en utrolig lettelse å få en 100 prosent kollega! Heidi har ideer og kan ting som jeg ikke kan, og omvendt. Dette blir spennende! sier Liisa Koivulehto.

Jeg er svært imponert over det store arbeidet Liisa har lagt ned i Ruijan Kaiku i disse 20 årene, og det er med stor ydmykhet at jeg tar over redaktørjobben. Jeg er svært glad for at hun er med videre, sier Nilima Monsen.