Nordland velkommen • Tervettulemaa Nordlanti

Illustrasjon: Wilfred Hildonen

 

Hvis våre opplysninger stemmer, så er dagen i dag den store dagen. Nemlig fordi NKF er på besøk i Nordland i anledning oppstart av ny lokalforening. Her er Ruijan Kaikus leder for februar.

 

Nordland velkommen

I dette magasinet kan du lese om folk i Nordland som er grepet av kvensk kribling. De vil vite mer, og drar i gang sitt eget kvenske lokallag.

Norske kvener nordre Nordland har bestemt seg for å tilhøre Norske kveners forbund, noe vi mener er et fornuftig og naturlig valg. Det gjør livet lettere for den nye foreningen, så her satser vi på at moderforbundet tar godt imot våre nye kvenske venner. Bistår med gode råd og hjelp der det trengs.

Hvert sted har sine særpreg, men det fins likevel fellesnevnere når man drar i startsnora. Vi anbefaler at nordlendingene gløtter sørover, til et lag som heter Norske kvener Ytre Oslofjord. Den foreningen er ny nok til å minnes oppstarten, men gammel nok til å ha mye fin erfaring for styre og stell etter at den har lagt seg, den første duften av ferske hvetebrød.

Det vi også likte og stadig liker med foreningen i Ytre Oslofjord, var viljen til å jobbe politisk og utadrettet. Altså i tillegg til den vanlige medlemsretta driften. Men det betyr dobbel innsats, noe som på sikt krever sitt av ildsjelene. Nå ligger det i ordet at ildsjeler har ekstra risiko for å brenne ut, så klok er den som tar seg hvileskjær og gode pauser. Derfor er vi glade for Horten-signaler som tyder på at oppstarts-veteraner igjen er tilbake i styre og stell.

Lokallags-gründerne i Nordland ser først for seg et regionlag med eventuell knoppskyting når tiden er moden. Det mener vi er klokt tenkt, og vi tror at tålmodighet blir en viktig egenskap. Hjemfylket deres hadde fra gammelt av masse kvener, men det blir nok likevel et skikkelig maraton å få dem lirket med «på trua» og inn som mer eller mindre aktive deltakere i det store kvenske løpet.

Å jobbe utadrettet og politisk ble anbefalt, for dem som har vilje og evne. Det betyr også at vi her i Ruijan Kaiku får mer å skrive om. Pressemeldinger om møter med ordførere og politikere både lokalt og sentralt, det synliggjør kvensaken langt utenfor lokallagets grenser. Derfor oppfordrer vi både dere i Nordland og lokallag flest til å kontakte oss når noe er på gang.

Da gjenstår det bare å ønske hjertelig til lykke med det nye laget. Velkommen Nordland. Vi høres.

 

Tervettulemaa Nordlanti

Tästä makasiinista saat lukkeet nordlantilaisista joihin oon iskeny kväänikutina. Het halluuvat tiettäät enämen ja hommata oman kvääniyhđistyksen.

Norske kvener nordre Nordland [Ruijan kväänit Pohjas-Nordlanti] oon päättäny ette alkkaa Ruijan kvääniliiton jäseneksi, mikä meiđän mielestä oon viisas ja luonolinen valinta. Se tekkee uuđen kvääniyhđistyksen elämästä kevveemän, ja met uskoma ette äitiliitto ottaa hyvin vasthaan meiđän uuđet kvääniystävät. Anttaa tarvittaissa hyvii neuvoi ja auttaa muutoinki.

Kaikila paikoila oon omat omituisuuđet, mutta niilä oon startatessa kansa yhtheistä. Meiđän mielestä nordlantilaisten kannattaa kattoot etelhäänkäsin, Ruijan kväänit Ulko-Uslunvuonon suunthaan. Se yhđistys oon nokko uusi ette vielä muistaa kunka se oli päästä alkhuun, mutta kuitenki nokko vanhaa ette sillä oon paljo hyvvää kokemusta hommailustä jälkhiin ko vereksen nisuleivän ensimäinen haiju oon hälveny.

Met tykkäsimmä ja tykkäämä aina siitä ko Ulko-Uslunvuonon yhđistykselä oon piisanu halluu työtelä poliittisesti ja uloskäsin. Siis tavalisen jäsentoimen lisäksi. Mutta se vaattii kahđenkertaisesti voimaa, minkä kyllä valkkeesielut aikkaa myöđen jouttuuvat tuntemhaan päälänsä. Itte sana valkkeesielu anttaa jo ymmärttäät ette siinä oon liikavaarana pallaat lopphuun, niin ette se kyllä kannattaa välilä levätä ja pittäät kunnon pöyssii. Sillä olemaki iloiset ko Hortenista kuulema ette starttiveteraanit taas oon puohaamassa myötä yhđistyksen toimissa.

Nordlannin paikallislaakin perustaajat ajatelhaan ette ensistä het alkkaavat laakin minkä toimiala oon isompi, mutta joka sitte saattaa poikkiit pienemmppii laakkii ko aika oon siihen kypsy. Met piđämä ette se oon viisasta, ja uskoma ette tässä assiissa kärsivällisyys kannattaa. Niitten kotifylkissä oli varhemin paljon kväänii, mutta siitä tullee kyllä varsinainen maratooni jos aikkoo saađa ihmissii houkutelluksi ”uskhoon” ja saađa niistä enämen eli vähemän aktiivissii osanottaajiita suurheen kväänijuokshuun.

Sanoima ette hyvä olis jos ihmiset joila oon tahtoo ja kykkyy, työteltäis uloskäsin ja poliittisesti. Se meinaa ette met täälä Ruijan Kaijussa saama enämen mistä kirjoittaat. Prässimellingit kokouksista paikalisten ja keskustasan sananjohtaajiitten ja poliitikkaariitten kansa tekkeevät kvääniassiin näkkyyväksi paljo yli paikalislaakkiin rajjoin. Sillä sanoma sekä teile Nordlanissa ja muutoinki paikalislaakiissa ette ottakkaa kontaktii meihin aina ko jotaki uutta tapattuu.

Sitte ei ole ennää muuta lisättävvää ko ette toivotamma lykkyy tykö uuđele laakile. Tervettulemaa Nordlanti. Puhelemma.