Piirustus: Wilfred Hildonen

 

Vi byr på flere hyggelige porsjoner med norsk oversatt til kvensk. Også kalt parallelltekst. Norsk versjon lengre ned i saken. God leselæring.

 

Oversatt til kvensk av Eira Söderholm

 

Kenestä vuuen kvääni?

Sie pääset olemhan myötä. Lähätä oman ehotuksen.

Kuka on tänä vuona tehny jotaki erinomhaisen hyvvää kväänile ja kvääniasialle? Ruijan Kai’un suuri vuotinen valinta on menossa. Jos sulla on ehotus, ni met mielelä kuulema sen.

Palkinon takana on Ruijan Kaiku. Ruijan kvääniliitto on myötä. Vuuen 2025 kväänin paljastethan ensi vuona Kväänikansan päivänä 16. marsikuuta.

Siihen laihin se oon ollu jälkhin ko Katriina Pedersenistä tuli kaikitten aioitten ensimäinen Vuuen kvääni. Se oli vuona 2021. Vuona 2022 voittaja oli Kjersti Feldt Anfinnsen, jälkhin hänen Frank Jørstad vuuen 2023 hommista. Viimi talvena Vuuen kvääni oli Anstein Mikkelsen sen tekemän arvokkhan työn eestä.

Toisin sannoin kaksi vaimoa ja kaksi miestä toistaseksi. Se jako on hyä, mutta tuskin mithän mitä jury niin paljon hunteerailee. Ja jury, se kyllä oon suvereeni valittemhan justhin niin ko halvaa.

Jos sie kirjotat että mielelä haluat nomineerata salassa, ni kyllä se on lupa niinki tehä. Sillon sinun perustelut muistelhan ilman sinun nimettä. Mutta met kyllä ennemin näemä että kaikki oon aukeinta. Sillä toivoma että saatama muistela lukijoile kuka se ehottaa kukastaki kandidaattia. Ja vielä muista, sie piät muistela miksi ehotat juuri sitä sinun ommaa kandidaattia.

Ei se ollaksheen Vuuen kvääni tartte olla kvääni. Kaikki jokka oon tehnhet hyän homman vuona 2025 saattava tulla nomineeratuksi ja tulla valituksi. Voittaja saapi kukkia ja 5000 kruunua, ja vielä himotun diploomin ja tägnäri Wilfred Hildosen karikatuuripiirustuksen.

Pitkän välimatkan ja muun semmosen takia palkinon annethan usiasti vasta jälkhin Kväänikansan päivän. Mutta nimen kyllä julkasthan aina jo itte päivänä.

Fristi nomineerata oon sunnuntaina 15. fepruaarikuuta 2026.

Hvem blir Årets kven?

Du kan være med. Send inn ditt forslag.

Hvem har gjort noe ekstra bra for kvenene og kvensaken i året vi snart har bak oss? Ruijan Kaikus store årlige kåring er i gang. Hvis du har et forslag, så vil vi gjerne høre fra deg.

Bak prisen står Ruijan Kaiku. Norske kveners forbund er med på lag. Avsløringen av Årets kven 2025 skjer på Kvenfolkets dag neste år. Den 16. mars 2026.

Slik har det vært siden Katriina Pedersen ble kåret til den aller første Årets kven. Det var i 2021. I 2022 vant Kjersti Feldt Anfinnsen, fulgt av Frank Jørstad for sin innsats i 2023. Forrige vinner, for hederlig innsats i 2024, ble Anstein Mikkelsen.

Med andre ord to kvinner og to menn så langt. Det er bra fordeling, men neppe noe juryen tenker så mye på. Og juryen, den er suveren når vinneren skal kåres.

Hvis du skriver at du helst vil nominere hemmelig, så får du lov til det. Da vil begrunnelsen din gå uten at navnet ditt nevnes. Aller helst ønsker vi det åpent. Fordi vi ønsker å fortelle leserne om hvem det er som foreslår den og den kandidaten. Og igjen, gi helst en begrunnelse for akkurat ditt forslag.

Man trenger ikke være kven for å bli Årets kven. Alle som har gjort en fin innsats i 2025 kan bli nominert og nå helt til topps. Vinneren får blomster og kroner 5000, pluss en ettertraktet diplom og karikaturtegning laget av tegneren Wilfred Hildonen.

På grunn av lang reisevei og sånne ting, vil selve tildelinge ofte bli arrangert etter Kvenfolkets dag. Men offentliggjøringen av navnet, det skjer alltid på selve dagen.

Frist for å nominere er søndag 15. februar 2026. Så hvem syns du fortjener å bli løftet fram og presentert som årets kandidat? Send ditt forslag til oss. Adressen er: redaksjonen@ruijan-kaiku.no og/eller post@kvener.no