Som en del av den langsiktige planen for bevaring og utvikling av minoritetsspråkene meänkieli og finsk i Sverige foreslår Institutet för språk och folkminnen (Isof) at det etableres 2 språksentre i Sverige, ett senter for meänkieli – med en avdeling i Kiruna og en i Matarenki – og et senter for finsk i Uppsala. Bildet er fra et tidligere møte der NKF og STR-T møttes i Kiruna. (Illustrasjonsfoto: Heidi Nilima Monsen)

 

Ruottin hallitus oon alkanu tehhä pitkän aijan plaanaa minoriteettikieliin suojelemiseksi. 

 

Liisa Koivulehto
liisa@ruijan-kaiku.no

 

Hallitus oon delegeerannu tehtäävän Kielen ja kansanperintheen instityytile (Isof).

Yksi ensimäissii ehotuksii oon ette Ruotthiin perustethaan kaksi uutta kielisentterii. Meänkielen kielisentteri olis kahessa paikassa, Kierunassa ja Matarinkissä,  ja suomen kielen keskus olis Uppsalassa.

Raportin lähätetty hallituksele

Kielen ja kansanperintheen instityytti oon tehny tästä assiista raportin Ruottin hallituksele.

– Meänkielen kaikkiin uhatuimppii varieteettii puhuthaan Malmikentilä ko taas enämpi domeneeraaviita varieteetiii puhuthaan Tornionlaksossa. Sen tähen oon luonolista ette kielikeskus olis kahessa paikassa, raportin tekkiijät meinathaan.

Isof halluu ette suomen kielen keskus olis Uppsalassa. Puolet maan suomenkielisistä assuu Mälarinlaksossa eli siinä likelä. Sielä oon kans sentraalit laitokset missä tutkithaan ja opetethaan suomen kieltä Ruottissa.

– Johtaaja häätyy olla viranomhainen

Ko työjoukko teki raporttii, se kuunteli monnii yhistyksii ja kielen puhhuujiita.

– Net jokka oon ollu myötä kokkouksissa oon olheet selväsanaset siittä ette kielikeskuksen pääjohtaja häätyy olla viranomhainen sen tähen ette saahaan enämpi stapiliteettia, jatkuvuutta ja kauaskantosuutta kielen revitaliseerinkityöhön, Isof kirjoittaa pressemellingissä.

Luje koko uutinen meänkielelä.

Les nyheten på svensk.

Övertorneå kommune i Sverige informerer på meänkieli.