Piirustus: Wilfred Hildonen

 

Vi gratulerer skogfinnene med deres velfortjente framgang. • Met onnittelema mettäsuomalaissii hyvin tienatun menestyksen eđestä. Ruijan Kaikus leder for august.

 

Stor skogfinsk høst

Vi har bak oss juli, heinäkuu eller høymåneden med Finnskogdagene, men det står mer skogfinsk på programmet utover høsten.

Skogfinneforeningen og øvrige ildsjeler har utrettelig stått på for saken, der det etter mange års dugnadskamp endelig ble midler til nytt museumsbygg. Det var særdeles velfortjent.

Kampanjen «Et nytt skogfinsk museumsbygg nå» samlet inn 1083 underskrifter, det var i 2021, og vi minnes at skogfinnene på et tidspunkt samlet seg i hovedstaden for markering med lysende fakler og varme ord for viktigheten av et slikt nytt bygg.

For drøye to år siden kunne vi melde at revidert nasjonalbudsjett la opp til en økning til nær 127 millioner kroner til nybygget, nå i år fikk de også midler til å ansette drifts- og publikumspersonell.

Høsten 2025 blir derfor spesiell, den byr på storstilt offisiell åpning av nybygget, og, som et apropos, høsten byr også på utekonsert med selveste Kringkastingsorkesteret. Det blir på Grue Finnskog, der Norsk skogfinsk museum ligger.

Som kvener skal vi være våkne på hvor viktig museet er for skogfinnene. Språket deres er borte fra dagligtale og står uten status som minoritetsspråk, da må den andre av de to pilarene kultur og språk bære ekstra mye vekt. På sett og vis må den skogfinske materielle kulturarven i større grad enn ellers bidra til å bære også språket.

Men selv om språket i stor grad er gjemt, er det ikke glemt. Skogfinnenes resolusjonsbestemte revitalisering handler mye om vern, og knytter seg til navn på steder og slekter, runesanger og musikk, samt ord og uttrykk som går hånd i hånd med «håndgripelige» ting. Skogfinske stikkord er her svedjebruk og svedjerug, røykstuer og lafting, skog og skogsdrift.

Det var noen få stikkord, det fins flere, og museet i ny drakt forventes å bli et enda viktigere samlingspunkt, nav og motor for det videre arbeidet med så vel kulturen som språket.

Vi gratulerer skogfinnene med deres velfortjente framgang, gir en tommel opp til beslutningstakere som endelig og for alvor så dem, og ser i forventning fram til den formelle publikumsåpningen av det nye stasbygget.

God høst ønskes skogfinner, kvener og andre.

 

Mahtaava mettäsuomalainen syksy

Nyt meilä oon jo takana juulikuu, ja takana oon kans Finnskogdagene (”Mettäsuomalaispäivät”), mutta meilä oon pitkin syksyy programissa enämenki mettäsuomalaista hommaa.

Skogfinneforeningen (”Mettäsuomalaisyhđistys”) ja muut valkkeesielut oon ilman vaipumatta tehnheet työtä assiin etheen, ja viimen, jälkheen usheitten vuossiin talkkookampin, saathiin rahat uutta museeumipytinkkii varten. Sen net oonki kyllä erittäinki hyvin tienanheet.

Vuona 2021 kampanja ”Uusi mettäsuomalainen museeumipytinki nyt” kokos 1083 allekirjoitusta, ja muistama ette yhđesti mettäsuomalaiset kokkoonuthiin pääkaupunkhiinki ja valkkeesoittoin ja lämpimin sannoin markkeerathiin uuđen museeumipytingin tärkkeyttä.

Rappee vuosi aikkaa saatoima ilmoittaat ette revideeratthuun staatinbudsetthiin oli lisätty melkhein 127 miljoonaa kruunuu uutta pytinkkii varten, tänä vuona net saathiin kansa rahhaa ette saavat palkata ihmissii museeumin toiminthaan ja publikumipalvelhuun.

Sillä syksystä 2025 tulleeki erityinen, silloin oon uuđen pytingin isot viraliset aukaisut, ja, saatama vielä lisätä ette syksylä oon kans ulkoilmakonsertti missä pellaa itte Kringkastingsorkesteri. Se konsertti oon Grue Finnskogissa eli Gruen suomalaismettässä, ja sielä oon kans Norsk skogfinsk museum (”Norjan mettäsuomalainen museeumi”).

Kvääninä met piđämä ymmärttäät kunka tärkkee museeumi oon mettäsuomalaisile. Heiđän kieli ei ennää ole päivälisessä käytössä eikä sillä ole minoriteettikielen staatusta, ja sillä paino pittää olla jälkimäiselä kahđesta kuurosta, kielestä ja kulttuurista. Sillä häyttyy mettäsuomalaisten ainheelinen kulttuuri isomassa määrässä ko muutoin olla myötä kuurttoomassa kans kieltä.

Mutta vaikka kieli melkhein kokonhansa oon poissa, se ei kuitenkhaan ole poissa. Mettäsuomalaiset oon päättänheet ette heiđän revitaliseerauksessa paljosti oon kysymys suojelusta, ja se liittyy paikannimhiin ja sukunimhiin, runonlaulhuun ja musikkhiin, sekä kans sanhoin ja ilmaishuin mikkä kulkkeevat käsi käđessä konkreetillisten assiitten kansa. Tässä mettäsuomalaisten avvainsannoi oon semmoiset ko kaski ja kaskiruis, savupirtti ja salvu, mehtä ja mehtätyöt.

Siinä oli tyhä muutampi avvainsana, oon niitä muitaki, ja ođottheessa oon ette uuđesti vaatitusta museeumista tullee vielä tärkkeempi kokkoontumispaikka, tulleevan työn keskus ja muturi sekä kulttuurille ette kielele.

Met onnittelema mettäsuomalaissii hyvin tienatun menestyksen eđestä, nostama peukalon ylös päättääjille jokka viimen otethiin heiđät vakavasti, ja ođottelema innala loistopytingin viralissii publikumiaukaissuita.

Toivotamma hyvvää syksyy mettäsuomalaisile, kvääniile ja kaikile muilleki.