(Piirustus: Wilfred Hildonen)

See oon soma. Ha-ha-ha! Den var artig.

 

Visti yksi

Mies käveli kylälä pingviinin kans. Pingviini oli kiini nauhassa. Siiheen tuli poliisi.
– Sie häyđyt paikala vieđä sen eläintarhaasheen, poliisi sanoi.
– No mie vien, mies sanoi.
Seuraavana päivänä poliisi kohđatteli miehen ja pingviinin taas.
– Enkö mie sanonu ette sie häyđyt vieđä sen eläintarhaasheen?
– Joo, mies vastasi. – Se tykkäsi siitä oikhein paljon. Tääpänä met menemä kinhoon.

 

Vitsi kaksi

– Kunka paljon sie painat?
– Kuuskymmentä killoo prillain kans.
– Mutta eihän prillat paina melkkein mithään?
– Niin mutta ilman prillatta mie en saattais nähđä mitä puntarissa seissoo.

Vitsi kolme

Iso cruiselaiva kulki merelä pienen saaren sivvu. Kaikki matkustajat nähthiin ko sielä saaressa oli yksi karvainen ja partainen mies joka huusi ja hyppi aivan villisti.
– Kuka hän oon? yksi matkustaja kysyi kapteenilta.
– Mie en tieđä, kapteeni vastasi, – mutta joka vuosi ko ajama tästä ohi hän käyttää ittensä ko hullu.

 

Vitsi nelje

Miksi meilä oon pää? Se oon siksi ko se olis hirmuisen hankala kuljettaa hattuu käsissä koko aijan.

Vitsi viisi

Poika oli saanu lapun ja halusi lähteet ajelemhaan.
– Isä, saanko mie lainata sinun auton?
Isä: – Mie olen sanonu ette sie saat lainata auttoo sitte ko sie leikkaat sinun tukan.
– Mutta Jeesuksellaki oli pitkä tukka, poika tinkasi.
– Niin oli, ja hän kulki jalkaisin.

 

Vitsii kuusi

Appelsiini ja pottu kuljethiin sillan yli. Pottu putos yhtäkkii vetheen. Silloin appelsiini huusi:
– Freistaa uiđa niin kauvoin ette mie saan irti venheen.