Tegning/piirustus: Wilfred Hildonen
KVENSKE FRASPARK I NY DRAKT
Når du som abonnent, øvrig leser eller annet hedersfolk holder neste utgave av Ruijan Kaiku i klypa, holder du i et magasin. Hver side mindre i størrelse, til gjengjeld tykkere og hvitere og flere i antall.
Det stemmer, fra utgave 1-20 og i anledning vårt 25-årsjubileum, skifter Ruijan Kaiku format på sin papiravis.
Ingen grunn til uro, innholdet blir det samme gode kvenske, det vi ønsker å oppnå med formatskiftet, er lengre levetid. For mens aviser har en lei tendens til å havne mellom barken og veden i en kald kubbebrenner, har magasinet en tendens til å bli liggende på stuebordet. Til nød under. Det ønsker også vi, vi ønsker å ligge og slenge, høyt og lavt og alle steder, godt synlig med vårt gode innhold for kvener og andre med interesse for det kvenske.
På den annen side; i mediebransjen er papir uheldigvis på retur, folk vil ha sine oppdateringer med et tastetrykk. Da må også vi satse stort og stadig større på nyheter på nett. Vår nettavis heter ruijan-kaiku.no og nås fra mobil, nettbrett, datamaskin, eller fra nettleser på fjernsyn. Det er bare å klikke, som det heter.
Med våre begrensete ressurser var det vågalt å satse på enda flere plattformer, men i sommer og høst skrudde vi altså opp volumet for kvensk radio, inkludert en «Ruijan Radio mini-me» i form av podcast fra hver sending. På Ruijaaan Raaatio snur vi kvencapsen for mer ungdommelige takter, og har blant annet gjort den genistrek å få med på lag The Kveeni Girl Gang. Den gjengen er det freskeste vi kjenner til, i alle fall i kvensk sammenheng, så lytt til erfarne radiofolk også i 2020, lyder vårt råd.
Vi ses og høres, i mellomtiden ønsker vi kvenfolket i nord og sør ei glad jul og et godt nytt år.
KAINULAISSII VOIMAPOTKUI UUSISSA VAATTHEISSA
Ko sulla, olet sitte abonentti, muutoin vain lukkijja eli muu kunnian ihminen, seuraavan kerran oon Ruijan Kaiku hyppheissä, se sulla oonki siinä makasiini. Jokhainen sivu oon pienempi, mutta kansa paksumpi ja valkkeempi, ja sivvui oon enämen.
Se oon tosi, Ruijan Kaijun 25-vuotisjuhlan kunniaksi paperinen Ruijan Kaiku alkkaa tulemhaan ulos uuđen näköisennä numerosta 1/2020 alkkain.
Mutta et sie piđä huolestuut, sisälys pyssyy samanlaisena hyvänä ja kainulaisena. Syynä oon, ette met toivoma, ette ko met muutama aviisin makasiiniksi, se ellää kauvemin. Aviisiila oon tendensinnä jouttuut kylmhään uunhiin syttöpuuksi puun ja parkin välhiin, ko taas makasiini jää leppäämhään tuvan pöyđäle. Jos ei sitte sen alle. Met halluuma ette met olema tässä tuossa, yli- ja ala- ja joka puolela, niin ette kainulaiset ja kaikki, jokka kainulaisuuđesta perustaavat, meiđät löyttäävät.
Toishaalta, oon se niinki, ette meediahommassa paperi oon hävviimässä, ihmiset halluuvat saađa päivän uutiset yhđelä sormen painamisela. Sillä met häyđymä satsata nettiuutishiin isosti ja koko aijan. Meiđän nettiaviisin nimi oon ruijan-kaiku.no, ja sen saa hyppheissiin mobiililla, nettipretala, daatamasiinilla, eli sitte kansa televisuunin nettilukkiijalla.
Meilä oon kohta huonot varat, ja sillä se oli rohkee satsata vielä usheemphiin plattformhiin, mutta kesälä ja syksylä met nostima kainun raadion ääntä siihen laihin, ette joka lähätyksestä oon podcasti ”Ruijan Radio mini-me”. Ruijan Raadiossa met käänämä liuskulakin nuoremanlaisheen asenthoon, olema esimerkiksi onnistunheet saamhaan roikkhaan myötä The Kveeni Girl Gang -joukon. Se jengi oon vereksiintä mitä met tieđämä, kuitenki ko puhuma kainulaismeiningistä. Niin ette kuuntelepa ”kokenheita raadioihmissii” kansa vuona 2020, se oon meiđän neuvo.
Met näjettelemä ja kuulostelema. Sitä ođottaissa met toivotamma kainun kansale pohjaisessa ja etelässä iloissii joului ja hyvvää uutta vuotta.
Kainuksi kääntäny Eira Söderholm
