Piirustus: Wilfred Hildonen

 

«Det viste seg enkelt å moderne-bank-innrede ei pensjonert Cabby campingvogn.» Ruijan Kaikus leder for desember, oversatt til kvensk av Eira Söderholm.

 

Sykt mye friske penger

Ruijan Kaiku har jubileum i året vi straks har bak oss.

Det er vanlig å få bursdagsgave når man har rund dag. Vi ønsket store summer fra sentralt hold, men det eneste vi kunne få var en liten pose halvbrukte kakelys fra kantina etter forrige  stortingsfest. Hvor mange lys har dere, spurte vi. Vi kan gi dere 24 kakelys, sa de. Det holder ikke, sa vi, Ruijan Kaiku fyller 30.

Nød lærer naken kvinne å gå i spinn, og etterpå holdt vi redaksjonsmøte. Tema var gave til oss. Løsningen, fant vi ut, er penger. Helst mye. Men, grublet vi, hvem har mye penger?

Etter avstemming endte vi ved bankvesenet. De har mye penger, og sekunder senere var også akronymet klart: DkB.

Den kvenske Bank eies i dag i sin helhet av Ruijan Kaiku AS og driftes på konsesjonssøknad for bankdrift innvilget hos Finanstilsynets relativt ukjente kvenske filial nordpå. En smidig bank for de små, en finansiell minoritetsinstitusjon. En «gasellibedriftii» med nettbank, autogiro, uvurderlig kreditt og renters rente. Og lokaler.

Det viste seg nemlig enkelt å moderne-bank-innrede ei pensjonert Cabby campingvogn. Skygrått teppegulv med null slitasje, midjehøyt ventebord med brosjyrer fulle av velkledde folk som har fått stort lån pluss en omgang i photoshop. Kontorpult med pc med doven mus og svart skjerm, ingen synlige ansatte og låst inngangsdør med oppslag om åpningstider som aldri passer. Straks var vi i drift.

Ruijan Kaiku trenger friske penger, slik at alle med adgang til DkB’s seddeltrykkeri – vi måtte utvide redaksjonen – har trippelvaksine og medisinsk munnbind.

Grunkhiin, gryynii, dolaarhoon. Kjært barn mange navn, som norsk nasjonal minoritetsbank falt valget likevel på det grundig fornorskede og derfor meget gangbare «kvenske kroner.» Kvääni kruunii.

Da gjensto kun sedlenes valør samt vannmerker og prydefulle motiv, og fordi planen var store penger, har vi så langt prioritert trykk av noen innledende europaller med 1000 og 500-sedler. I arkivet fant vi portretter av to kjente kvener – begge fra børsnotert sted og begge i stand til å sette sitt preg på hva det skal være – slik at du allerede advent 2025 kan betale kontant for en julegave til 1499 ved å smelle i disken henholdsvis en Aronsen og en Skanke.

På sikt vil du også få tilbake ei ennå upreget kvääni kruuni, noe som samlet sett betyr meget god jul og riktig dype lommer.

 

Sairhaan paljon friskii rahhaa

Ruijan Kaijula oon jubileeumi justhiin takama jäänheenä vuona.

Se oon tavalinen saađa syntymäpäiväskenkin ko täyttää ymmyräissii vuossii. Met toivoima issoi rahhoi keskipaikasta, mutta ainua mitä saima, oli pikkuruinen pussi puoliksipoltetuita kakkukynttilöitä viimi isontinganfästin rästii. Kunka monta kynttilää teilä oon? met kysyimä. Saatama anttaat teile 24 kakkukynttilää, net sanothiin. Se ei kyllä ole nokko, met sanoima, Ruijan Kaiku täyttää 30 vuotta.

Hätä saapi kenen tahansa hermostumhaan, ja jälkhiin piđimä redaksuunikokouksen. Teemana oli skenkki meile. Ratkaisu, met hoksasimma, oon raha. Mielelä paljon rahhaa. Mutta, met hunteerailima, kenelä oon paljon rahhaa?

Äänestyksen pörästä pääđyimä pankkolaitoksheen. Niilä oon paljon rahhaa, ja monta sekunttii jälkhiin oli kans lyhenys selvä: DkB.

Den kvenska Bank eli Kväänin pankki oon tääpänä kokonhansa Ruijan Kaiku AS:n omistuksessa, ja sitä toimitethaan Finansisyynin kohta tuntemattoman pohjaisen kväänifiliaalin myöntämällä pankkotoimen konsessuunihakemuksela. ”Gaselifirma” millä oon nettipankki, autogiro, arvaamaton kreditti ja ränttyin räntty. Ja toimisijjaa.

Havaithiin nimittäin yksinkertaiseksi muuttaat pensuneeratun campingvaunun moderniksi pankkolukaaliksi. Pilvenharmaja aivan uuđen väärtti mattalaattii, keskikorkkee ođotuspöytä täynä brosyyriitä missä hyvinvaatitut ihmiset oon saanheet ison lainan plus fotoshoppihoiđon. Konttuuripöyđältä löyttyy pc ja sen kaverinna saamaton hiiri ja musta särmi, eikä yhtäkhään työteliijää näkkyyvissä, ulko-ovi lukussa ja siinä lappunen missä seissoo aukkeimet, tasan sama sopimattomat aijat. Heti olema toimessa.

Ruijan Kaiku tarttee friskii rahhaa, ja sillä kaikila joila oon pääsy DkB:n setelipräntthiin – jouđuima laajentamhaan redaksuunii – oon kolmenkertainen vaksiini ja medisiininen suusiđet.

Grunkhiin, gryynii, dolaarhoon. Rakkhaala lapsela oon paljon nimmii, mutta ko kysymys oon kansalisesta norjalaisesta minoriteettipankosta, valittimma jälkhiin pitkälisen hunteerailun kuitenki kokonhansa ruijalaistetun ja sen takia vallan hyvän nimen. Kväänikruunu.

Sitte ei ennää ollu muuta ko seteliitten arvo ja vesileimat on koristheeliset motiivit, ja ko plaanina oli isot rahat, se met olema päättänheet nuin alkhuun präntätä muutamppii europallii 1000:n ja 500:n seteliitä. Arkiivista löysimä kahđen tunnetun kväänin portretit – molemat börsissä noteeratusta paikasta ja molemat kykeneväiset panemhaan oman leiman vaikka mihin – niin ette sie jo adventtinna 2025 saatat maksaa kontanttinna 1499:n jouluskenkistä paiskaamalla tiskhiin yhđen Aronsenin ja yhđen Skanken.

Vähitellen sie saat kansa takaisin toistaiseksi leimaamattoman kväänikruunun, mikä yhtheensä kattoin tarkoittaa oikhein hyvvii joului ja oikhein syvvii plakkariita.