(Piirustus: Wilfred Hildonen)

 

See oon soma. Ha-ha-ha! Den var artig.

 

Vitsi yksi

– Mitä ihmettä! Opetako sie lapsele kaikki rumat sanat mitä sie tieđät?
– En suinkhaan, mie tyhä muistelen hänele kaikki net sanat mitä hän ei häyđy sannoot.

 

Visti kaksi

Kaksi suomalaista oli kallaa pyytämässä Pyssyjovela. Het heitethiin justhiinsa pyyđöt ulos ko oppsynsmanni tuli paikale. Toinen mies heitti ongen ja lähti juoksemhaan pakhoon. Oppsynsmanni juoksi pörästä. Het juosthiin pari sattaa metrii ja sitte oppsynsmanni sai hänen kiini.
– Näytäpä minule sinun kalastuskortti!
Suomalainen otti plakkarista kalastuskortin mikä oli voimassa.
– Mutta sinulahan oon kalastuskortti! Miksi sie lähđit juoksemhaan?
– Joo minula kyllä oon kalastuskortti mutta minun kaverila ei ole.

 

 

Vitsi kolme

Kaksi lasta oli leikkimässä.
– Leikimä ette olema raavhaita!
– Raavhaat oon työssä. Mitä met työtelemmä?
– Leikimä ette olema komuunin työntekkiijöitä. Ensimäinen joka liikahtaa, oon tapanu!

 

Vitsi nejlje

Koulussa oli uskontotiima. Opettaja kysyi:
– Kunka monta käskyy Jumala antoi ihmisille?
– Kymmenen! Pekka vastasi.
– Ja mitä sitten tapattuu jos sie rikot jonki käskyn?
– Se oon sitte tyhä yhđeksän jäljelä.

 

 

Vitsi viisi

– Äiti, mie en halluu koulhuun tääpänä!
– Mutta Kalle, nyt sie kyllä häyđyt laittaat ittesi siivosti! Muista ette sie olet 49 vuotta ja koulun rehtori!

 

Vitsi kuusi

Tuomari luki oikeussalissa tuomion.
– Sie saat nyt valita otatko sie kaksi viikkoo fankilassa eli 4000 kruunuu.
– Kiitos, mie otan net 4000 kruunuu, tuomittu hymmyili.