Kal & Johan av Wilfred Hildonen
See oon soma. Ha-ha-ha! Den var artig.
Vitsii yksi
– Sie olet saanu tämän työpaikan. Sie saatat alkkaat huomena. Sinun palkka oon ensistä 38.000 kruunuu kuukauđessa ja kahđen kuukauđen päästä se noussee 40.000 kruunhuun.
– Kiitoksii. Sitte mie alanki kahđen kuukauđen jälkhiin.
Vitsii kaksi
– Tieđätkö sie mikä ero oon mustikalla ja elkala/hirvelä?
– No en tieđä …
– Se oon synti ko sitte sie et saata lähteet minun kans mustikoita kokkoomhaan.
Vitsii kolme
Kaksi lasta istui lääkin ođottamishuonheessa. Tytär vähäsen itkeskeli.
– Miksi sie itket? poika kysyi.
– Lääki aikkoo ottaat veripröövin minusta. Sen otethaan sormesta, hän pistää minnuu äimälä sormheen.
Poika alkoi paikala kiljumhaan aivan hirmuisesti.
– No miksi sie tuohon laihin kiljut? tytär kysyi.
– Lääki aikkoo ottaat minusta kusipröövin.
Vitsii nelje
Mies oli biilireisula emänän ja anoppimuorin kans. Het tulthiin jovele ja ajethiin sillan yli. Sillan jälkhiin pulettia toppasi heiđät.
– Onneksi olkhoon, sie olet piilisti numero 10000 joka ajjaa tämän sillan yli. Sie olet voittanu 10 000 kruunuu.
Mies oli hirmuisen iloinen ja sanoi:
– No nyt minula oon rahhaa ja mie saatan hankkiit föörerkortin.
Emäntä sannoo pulettiale:
– Älä sie perusta hänestä, hän oon päissä.
Anoppimuori huokkailee siiheen:
– Kyllä mie sen arvasin ette emme met pääse pitkäle varastetula autola.
Vitsii viisi
– Miksi sinula oon gulrötteri pään päälä?
– Se on minula jokhaisena keskiviikkona.
– Mutta nyt oon tuorestai.
– Voi voi, ihmiset saatethaan uskoot ette mie olen hullu.
