See oon soma. Ha-ha-ha! Den var artig.
Vitsii yksi
Kaksi lammasta kohđatteli pellola.
– Bää, toinen sanoi.
– No kyllä se oon viekas, toinen sanoi, mie olin ajatellu sannoo justhiinsa sammaa.
Vitsii kaksi
– Kalle, tiiätkö sie ette sinun vanhiimet oon joutunheet valvomhaan monta yötä sinun takia.
– Minun takia? Kunka se oon mahđolinen? Enhään mie ole melkkein koskhaan kotona yölä.
Vitsii kolme
– Mistä nämät rapajäljet tulhaan?
– Mie en tieđä, net oon seuranheet minnuu koko aijan.
Vitsii nelje
– Opettaaja? Mitä meinaa ”I don’t know”?
Opettaaja:
– Mie en tieđä.
– No sie se olet engelskan opettaaja.
Vitsii viisi
Ämmi oli kläpinvahtina. Hän kyssyy pikku Annalta:
– Halluutko sie ette mie lujen sinule?
– En, pikku Anna vastaa.
– No laulaisinko mie sinule?
– Älä laula!
– No mitä mie sitte tekisin? ämmi kyssyy.
– Etkö sie saattais lähteet ulos ette mie saatan nukkuut.
Vitsii kuusi
– Isä, kunka vanhaa mie olen?
– Lujepa sinun sormet. Siitä sie näjet kunka vanhaa sie olet, isä sannoo.
– Voi hirmuinen, kummoinen minun käsi oon sitte ko mie olen viisikymmentä?
Vitsii seitemän
Minkä saama ko kloomana meriryövärin?
– Piraattikopion.
