Tuomaherra ja frouva koivun oksala. (Kuva: Liisa Koivulehto)
Tuomaherra oon talven ruusu.
Liisa Koivulehto
liisa@ruijan-kaiku.no
Tuomaherran ruijankielinen nimi tullee tyskästä (’dompape’), mutta kvääninkielinen nimi tullee ruottista (’domherre’).
Latinaksi se oon Pyrrhyla pyrrhyla.
Suomessa sillä oon ollu monta nimmee, esimerkiksi punarinda, punapulmunen, tuomiherra, koppanokka ja tuomikukko. Tuomiherra oon tavalinen Pohjais-Suomessa.
Nimen punatulkku ’allmän domherre’ oon merkitty lintukirjhaan ensimäisen kerran 1849. Tulkku saattaa tulla suomen dialektisanasta tulkuttaa mikä meinaa vähän sammaa ko tingata ja tiuskuttaat.
Koirhaala oon punainen ja naarhaala harmaajanruskee rinta ja vatta. Nokka oon musta ja vahva.
Tuomaherra syö siemenii ja puitten knoppii.
Tuomaherran pesä oon kuusimettässä ja sielä se triivastuu. Ennen uskothiin ette ko tuomaherra tullee talvella kartanolle, se tullee tuisku. No, se ei ole kumma, ko paha ilma ajjaa ushein linnut ihmissiin likele ruokkaa hakemhaan.
Tuomaherra oon Suomessa Kymenlakson maakuntalintu.
Kalttiit: Kaisa Häkkinen: Linnun nimi (2003), Antero Järvinen: Linnut liitävi sanoja (1991), Suomen sanojen alkuperä-Etymologinen sanakirja (1995) ja Wikipedia
