See oon soma. Ha-ha-ha! Den var artig.
Vitsi yksi
Yksi mies seisoi putiikin pihala. Hänelä oli iso koira vieressä. Toinen mies tuli siiheen ja katteli koiraa. Se oli fiini koira.
– Purreeko sinun koirasi?
– Ei pure.
Mies ojensi käđen ja aikoi stryykätä koiraa. Koira iski hamphaat miehen kätheen ja alkoi reppiit. Mies huusi kovvaa ja sai käđen irti.
– Siehän sanoit ette sinun koira ei pure! hän kiljui.
– Ei minun koira pure mutta tämä ei olekhaan minun koira.
Vitsi kaksi
Bjarne oli Tromssassa ja tankkasi bensiinii. Hän meni sisäle bensiinipuothiin ja kysyi neuvoo:
– Kunka mie pääsen kaikkiin hopumasti Raishiin?
Bensiinipuođin työntekkiijä kysyi:
– Olekko sie autola, kävelemälä eli bussila?
– Autola.
– No sillä sie pääset sikkaristi kaikkiin hopumasti.
Vitsi kolme
Pikku-Anna istuu murkinala mutta hän ei tykkää gulrötteristä. Äiti oon sanonu hänele ette hän häyttyy pureskella ruvan kunnola.
– Nyt mie olen pureskellu gulrötterit kahđeksan kerttaa.
– Se oon fiinii, mamma praamaa.
– Mutta mitä mie sitten niilä tehen?
Vitsi nejlje
Kaksi miestä oli joven rannala. Toisela oli onki veđessä.
– Mitä sie ongit?
– Kalloi.
– Olekko sie saanu yhthään kallaa?
– En.
– Kunka sie sitten saatat tiettää ette sie ongit kalloi?
Vitsi viisi
Kaksi koleraapista kohđatteli rööpetterin. Koleraapikset kysythiin aivan kauhistunheina:
– Missä sie olet tärväny ittesi?
