Seminaarin järjestethään kolmen riikin yhtheistyöfoorumin kautta. Ruijalainen osalinen oon Kainun institutti – Kvensk institutt.
Liisa Koivulehto
liisa@ruijan-kaiku.no
Ruottin Kieliraati ja Isof (Kielen ja kansanperintheen instityytti) järjestäävät meänkielen kieliseminaarin 2020 Matarengissä 13-14. novemperikuuta.
Seminaari oon yhtheistyössä Övertorneån komuunin, Oulun universiteetin ja Kainun institutin kans.
Seminaarin pääteemat oon kirjakielen standardiseerinki ja kielipesä-metoodi.
Seminaaripäiviin aikana oon esitelmii ja työpajjoi.
Kirjakieli ja kielipesä
– Kysymä semmosia kysymyksiä ko ette kunka minuriteettikielten kirjakieltä kehitethään, mitä oon tehty ja mitä asioita siinä tullee vasthaan? Miten kielen oppijoile häätys opettaa jos oon monta vaihtoehtoa ja eri tialektia? Kunka paikannnimet pitäs tavata ko laitethaan pysthöön tiekylttiä? järjestääjät kirjoittaavat kuttupreivissä.
– Sitte käymä läpi kans sitä kunka pienele kielele saapii lissää puhujia. Mikä se kielipesä-metuuti oikeastamyöten oon? Kunka muuala Pohjoskalotilla ja mailmassa tehhään minuriteettikielitten revitaliseeringin kans?
Lissää infoo programista tullee hiljemin. Seuraa kieliraatin nettilaitoi isof.se/meankieli ja Instragrammissa (”kieliraati”).
– Jos sulla oon mithään kysymyksiä eli iteoita niin kirjota e-postia: meankieli@isof.se, järjestääjät pyyđethään.
Ensimäinen kieliseminaari oli viimi vuona Uppsalassa. Sie saatat kattoot esitelmät tässä (UR Play).
Merkitte daattumin ylös!
