Piirustus: Wilfred Hildonen
See oon soma. Ha-ha-ha! Den var artig.
Vitsii yksi
– Minun vaimo sanoi ette mie häyđyn valita: Joko jalkapallo tahi hän.
– Se oli ikävää.
– Joo, mie kaipaan häntä kyllä vähäsen.
Vitsii kaksi
– Äiti, mie näjin justhiin ko joku otti meiđän auton.
– Voi senthään! Näjitkö sie kuka se oli?
– En nähny mutta mie kirjoitin numeron ylös.
Vitsii kolme
Elefantti ja muurhainen ajethiin sykkelillä. Elefantti polki ja polki ja väsyi kovassa vastalheessa. Muurhainen kysyi:
– Hyppäisinkö mie pois kyytistä?
Vitsii nelje
Tromssalainen ja raisilainen kohđatelthiin kappeela tielä Olmaivankan perälä. Tielä ei ollu tillaa kahđele biilile. Tromssalainen huusi:
– Mie en perätä idiootin takia!
Raisilainen vastasi:
– Mutta mie tehen sen.
Vitsii viisi
Kaksi vanhaata teeveetä kuljethiin tien yli. Ensimäinen pääsi yli mutta lastebiili ajoi toisen yli. Ensimäinen huusi sille:
– No tule jo, latuskasärmi.
Vitsii kuusi
Museuumin opas selittää turistille:
– Nämät luut oon 5008 vuotta vanhaat.
Turisti ihmettellee ja ihastellee:
– Moderni teknikki oon ihmeelinen. Mutta kunka sen saattaa tiettäät niin tarkasti?
Opas muistelee:
– Ko aloin täälä, luut olthiin 5000 vuotta vanhaat, ja siitä oon kahđeksan vuotta aikkaa.
Vitsii seittemen
– Mikä sinun uuđen koiran nimi oon?
– En tieđä, se ei halluu muistela.
Vitsii kahdeksen
Mies joutui sairaalhaan. Hänet leikathiin. Leikkauksen jälkheen hän sanoi:
– Se tunttuu ko mie olisin saanu vasarasta päähään. Lääkäri vastasi:
– Niin, meiltä oli loppunu narkoosi.
