Vuosina 1959-1977 täälä kuoli viisi turistii. Kuva: Liisa Koivulehto

 

Rovijoki (Rovvejohka, Rovijokkelva) oon Yykeänperänjoven sivujoki. Se alkkaa tuhanen meetterin korkkeelta. Nuoin 770 meetterii alempana se kryssää E8-tien ja kulkkee sillan alla ahthaassa kurussa ennenko levittää vetensä kommeeksi puttoukseksi ja yhtyy Yykeänperänjohkheen, 30-40 meetterii alempana.

Kymmenet eli saat tuhanet turistit oon topanheet tässä siitä lähtiin ko tien saathiin ja biilifeeriästä alkoi tulla tavalinen, kaikkiin ihmisten feeriä, 1950-luvulta lähtiin. Ihmiset fotografeerathaan uppeeta puttousta ja poseerathaan sen vieressä.

Muutampi feeriä ja koko elämä oon päättyny täälä. Lokaaliaviisiitten etusivuila muistelhaan viiestä kuoleman tapaturmasta vuosina 1959, 1963, 1967, 1971 ja 1977.

 

1959: Hollantilainen mies kuvasi vaimoa

 

Augustikuussa 1959 hollantilainen turistimies putos Rovijokheen ko oli fotografeeraamassa vaimoa. Vaimo freistasi auttaat hänet ylös mutta hänki putos jokheen ja huilas alas suvanthoon asti. Vaimo istui sielä kivelä sikkaristi pari tiimaa ennenko hänet löyethiin. Hän oli löyny pään ja käsi oli poikki.

Miehen löyethiin kuolheena suvanosta kivviin alta kahen päivän jälkhiin.

Hun ble funnet av to som kjørte forbi, som så en tom svensk bil oppe på kanten av stupet og hørte svake rop. De så kona nede ved elva, stygt forslått. Hun hadde brukket høyre arm og fått et kutt i pannen. Hun hadde ligget delvis ute i vannet etter alt å dømme et par timer.
«Sjansene for å finne den forulykkede ser ut til å være små.»
– Nordlys 10. august 1959

 

1963: Suomalainen teinipoika

Kuusamolainen koululaisjoukko oli ollu reisussa Norjassa. Kotimatkala het topathiin Rovijovessa. Yksi poika otti kengät jalasta ja lähti kaalaamhaan joven poikki sillan alla. Vettä ei ollu paljon mutta kivi oli liukas. Hän kaatui ja vesi vei hänen eikä häntä löyvetty.

Tämän jälkhiin alethiin puhumhaan siitä ette sielä häytyis olla aita ja kyltti missä lukkee ette joki oon vaaralinen.  ”Kaksi kuolutta kolmessa vuuessa oon liijan paljon”, joku lukkiija kirjoitti.

«Da han var kommet et stykke ut i elva, var strømmen så sterk på det glatte svaberget at han mistet fotfestet og ble slått over ende. Dermed var hans skjebne beseglet, da han ingen mulighet hadde for å unngå å blitt tatt med av vannmassene og utfor fossen. Den vel 30 meter høge fossen går i flere kast, og gutten er sannsynligvis blitt drept av slag mot bergveggene allerede før han havnet i kulpen.»

– Nordlys 20. juni 1963

 

1967: Franskalainen nuorimies

Kahen tapaturman jälkhiin tielaitos pystytti puttouksen reunale suomen- ja ruijankieliset kyltit missä varoitethaan vaarasta.

Aijanki oli rakenettu. Se ei kuitenkhaan topanu 23-vuotista franskalaismiestä ja hänen pikkuveljeä aukustikuussa 1967.  Veljekset haluthiin hyvän kuvan ja het menthiin aijan yli. Isoveli liukos. Pikkuveli freistas pittäät hänestä kiini mutta hänen voimat ei riittänheet ja isoveli katos alas virthaan.

Franskalaismiehen ruumhiin löyethiin aivan puttouksen alta, sielä oli yksi turisti joka näki sen.

Både han og lillebroren hadde passert gjerdet for å kunne fotografere. Han gled ned, og lillebroren prøvde å holde ham fast, men klarte det ikke. Han ble funnet av en ferierende like under fossen.

– Nordlys 17. august 1967

 

1971: Amerikkalainen nuorimies

Nelje vuotta viimisen tapaturman jälkhiin oli taas uusi onneton tapattuma. 23-vuotias amerikkalainen mies kiikkui kaverin kans aijan yli piian kylpemhään eli pesemhään. Kivet olit liukhaat ja joki otti hänen.

Militäärit tulthiin ruumista hakemhaan niinko ushein ennenki.

Pojat opiskelthiin Englanissa ja heän biilissä oli englantilaiset kyltit. Sillä se ensin luulthiin ette het olit engelskmannit.

Yykeän lensmanni Halden sannoo ette se näyttää ette monet ei perusta aijasta. «Met häymä  vissisti  muurata koko joven umpheen,» hän sannoo.

 Det var meget glatt på stedet og dessuten var strømmen sterk etter siste dagers regnvær. Gjerdet som ble satt opp har ikke forhindret ulykker.
 «– Vi må visst mure hele stryket igjen med betong for å sikre oss fullstendig, sier lensmann Halden.» 

– Tromsø 24. august 1971

1977: En finsk 16-åring

Imatralainen 16-vuotinen koulupoika putosi Rovijoven putouksheen. Hän oli korpsireisula. Kotimatkala bussi toppasi Rovijovessa mutta ko bussi oli lähtemässä se hokstahiin ette yksi vailuu. Pojan kamera löytyi rannasta. Pojan löyethiin suvanosta kahen meetterin syvvyyestä.

En 16 år gml gutt fra Imatra falt i Rovijokifossen. Han var medlem av et musikkorps som var på vei hjem. Da bussen skulle dra, var det en som manglet. Fotoapparatet ved funnet like ved fossen.
Froskemann fra Furuflaten fant gutten i kulpen på to meters dyp.

–Tromsø og Nordlys  15. august 1977

Rovijoen turva-aita ja kyltit oon 1960-luvulta. Kuva: Liisa Koivulehto