Se oon soma, det er artig.
Arvauksii yksi:
Kunka sie pyyđystät kaniinin?
Mene puun taakse ja sano ko gulrötteri.
Arvauksii kaksi:
Kunka sie pyyđystät kaniinin millä oon huonot hamphaat?
Mene puun taakse ja sano ko riivitty gulrötteri.
Arvauksii kolme:
Kunka se pyyđystät kaniinin millä ei ole hamphaita ollenkhaan?
Mene puun taakse ja sano ko klasi gulrötterisaftii.
Arvauksii nelje:
Mitä kaniininpenikan äiti sannoo ko penikka kyssyy kunka se tuli maailmhaan?
– Tryllekunstneeri veti sinut hatusta.
Arvauksii viisi:
Millä elläimellä oon nelje jalkkaa ja häntä, ja se syöpi kauraa ja näkkee yhtä hyvin etheen ja taakse?
Sokkee hevonen.
Arvauksii kuusi:
– Kysy olenko mie kaniini!
– Olekko sie kaniini?
– Joo, mie olen kaniini. Kysy olenko mie alligaattori?
– Olekko sie alligaattori?
– Sie olet yksi tomppeli! Miehän sanoin justhiin ette mie olen kaniini!
Arvauksii seittemen:
Mikä elläin: Valkkeen villan alla harmaja turkki ja kesälä aivan hirmuisen palavissa?
Hukka lamphaan vaatheissa.
Arvauksii kahdeksen:
Millä elläimellä oon kaksi silmää mutta se ei näje, kaksi jalkkaa mutta se ei saata kävelä – mutta se saattaa hypätä yhtä korkkeele ko kaksikertainen tupa?
Keijuhevonen (eihän tupakhaan saata hypätä).
Arvauksii yhdeksen:
Miksi strutsila oon niin pitkä kaula?
Siksi ko pää oon niin kaukana kropasta.
Arvauksii kymmenen:
Millälaila varis oon samanlainen?
Sen molemat jalat oon yhtä pitkät, eriliikaisesti vasen jalka.
Hajettu kirjasta Jørn Roheim, Barnas store gåtebok (1998)
