See oon soma. Ha-ha-ha! Den var artig.
Vitsi yksi
Mikä oon vihrinen ja hirmuisen vaaralinen?
Sammakko jolla oon käsigranaatti.
Vitsi kaksi
Mies tuli eläinpuothiin.
– Mie hajen linnunsiemeniitä.
– Meilä oon monenlaissii. Mikä lintu sinula oon?
– Ei minula ole vielä, mutta mie aijon kylväät.
Vitsi kolme
Kolme hiirenpoikkaa juosthiin hopusti kotireikhään. Het saalothiin.
– Hirmuinen kissa jaakasi meitä ja nyt se oon reijän ovela!
– Älkkää peljäkkää, mie oornaan sen, äiti-hiiri sanoi.
Hän meni reijäle ja huusi:
– Vov, vov, vov!
Kissa laukkoi pakhoon.
– Kattokkaapa! Se oon tärkkee oppiit muita kielii, äiti-hiiri sanoi.
Vitsi nejlje
– Mikä eläin saattaa hypätä yhtä korkkeele ko kirkontorni?
– ???
– Kilpikonna!
– Eihään kilpikonnat hyppää.
– Ei kirkontornitkaan.
Vitsi viisi
Kaksi ruijalaista oli Afrikan reissula ja yhtäkkiä heiđän etheen tuli nälkäinen leijona.
– Mitä met tehemä? toinen kysyi peljästyneenä.
– Met häyđymä kattoot sitä silmhiin. Mie olen lukenu kirjasta ette jos sie kattot leijonaa silmhiin, se ei hyökkää, toinen sanoi.
– Oletko sie sikkari ette leijona oon lukenu saman kirjan?
Vitsi kuusi
– Mie toivon ette minula olis niin paljon rahhaa ette mie saattaisin ostaat elefantin.
– Mitä sie elefantila tekisit?
– En mithään, ko mie halluisin net rahat.
Vitsii seittemen:
– Mitä elefantit tehđhään ko sattaa?
– Ne kastuthaan.
Vitsii kahdeksen:
– Servitööri, minun talerkki oon likainen.
– Ei se ole likkaa, se oon velli.
