Ruijalainen sääpalvelus yr.no toimii taas kvääniksi daattamasiinissa.

Liisa Koivulehto
liisa@ruijan-kaiku.no

Populäärin sääpalvelun uuđen versuunin annethiin ulos kesälä 2015. Mutta samala se meni mahđolisuus valita kieleksi «Kvääni».
Nyt kainun  kielivalinta oon tullu takaisin, tosin tyhä daattaversuunissa. Mobiilissa oon tyhä bokmål, nynorsk ja engelska.
– Mie en ole kuulu ette kvääni tulis käsifuuniversuunhiin, se ei ole luvattu, Pirjo Paavalniemi Kainun institutista muistelee.
Hän työtelee tämän kans melkkein joka päivä.
yr.no tuli vuona 2007 ja kvääniksi se tuli vuona 2010.